വടക്കഞ്ചേരി: ദേശീയപാത പന്തലാംപാടത്തിനടുത്ത് ചെമ്മണാംകുന്നിൽ ഓടിക്കൊണ്ടിരുന്ന കാർ കത്തി നശിച്ചു. യാത്രക്കാർ പൊള്ളലേൽക്കാതെ രക്ഷപ്പെട്ടു. ഇന്നലെ ഉച്ചയ്ക്ക് ഒരു മണിയോടെയായിരുന്നു സംഭവം.
മണ്ണാർക്കാട് തച്ചമ്പാറയിൽനിന്നും എറണാകുളത്തേക്ക് പോയിരുന്ന ബിനു കെ.മാത്യു, പ്രിൻസ് എന്നിവരാണ് കാറിലുണ്ടായിരുന്നതെന്ന് തീയണയ്ക്കാൻ പോയ വടക്കഞ്ചേരിയിലെ അഗ്നിശമനസേന അധികൃതർ പറഞ്ഞു. കരിഞ്ഞ മണവും ബോണറ്റിൽ നിന്നും പുകയും ഉയരുന്നത് കണ്ട് കാർ പാതയുടെ വശത്തേക്ക് നിർത്തി ഇവർ ഇറങ്ങി മാറുകയായിരുന്നു. സെക്കൻഡുകൾക്കുള്ളിൽ തീ പടർന്ന് കാർ പൂർണമായും കത്തിനശിച്ചു. ഷോർട്ട് സർക്യുട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.